Туркий давлатлар коинотни тадқиқ этиш бўйича ҳамкорлик истиқболларини муҳокама қилдилар
Йиғилишни Ўзбекистон Вазирлар Маҳкамаси ҳузуридаги Космик тадқиқотлар ва технологиялар агентлиги («Ўзбеккосмос») Бош директори Шуҳрат Қодиров олиб борди.
Учрашувда ТДТ Бош котиби, элчи Кубаничбек Омуралиев, Туркия космик агентлиги раҳбари Сердар Ҳусайн Йилдирим, Озарбайжон Миллий космик агентлиги (Азеркосмос) бошқаруви раиси Самеддин Асадов, Қозоғистон Рақамли ривожланиш, инновациялар ва авиация саноати вазири ўринбосари Малик Олжабеков, Қирғизистон Давлат алоқа агентлиги раҳбари ўринбосари Тимур Тоқолдошов, шунингдек, ТДТ кузатувчи давлатлари – Венгрия, Туркманистон ва Шимолий Кипр Турк Республикасининг тегишли институтларининг юқори мартабали вакиллари иштирок этди.
Йиғилишда сўзга чиққан Омуралиев коинотни ўрганиш инсоният олдида турган кўплаб муаммоларни ҳал этишда ёрдам беришини, коинот соҳасида амалга оширилиши лозим бўлган ишлар келажакка ёруғлик келтиришини таъкидлади.
У ТДТ коинот соҳасидаги ҳамкорликка аҳамият беришини ва ушбу учрашув иштирокчи давлатларнинг космик тадқиқотлар соҳасида қўшма ҳамкорликни ривожлантиришга қаратилган саъй-ҳаракатларидан далолат эканини таъкидлади.
Омуралиев, Туркияни тахминан 10 кун аввал субметр ўлчамига эга биринчи турк кузатув сунъий йўлдоши фазога учирилгани билан табриклади.
«ТДТга аъзо мамлакатлар космик тадқиқотлар бўйича турли билим ва тажрибага эга, уларни бирлаштириш жуда муҳим», - деди у.
Йилдирим, космик технология соҳасидаги ишларнинг аҳамияти билан келишди. «Космосда бўлмаганлар халқаро майдонда ўз сўзини айта олмайди», - дея қўшимча қилди у.
Туркия космик агентлиги раҳбари ТДТга аъзо мамлакатларни қўшма «Кубсат» лойиҳасини (ўлчамлари 10×10×10 см ва массаси 1,33 кг дан кўп бўлмаган коинотни ўрганиш учун кичик Ер сунъий йўлдошлари формати) Туркия космик агентлиги билан мувофиқлаштирилган ҳолда амалга оширишни таклиф қилди.
Унинг сўзларига кўра, бу техник нуқтаи назардан ҳам, ҳамкорликдаги иш нуқтаи назаридан ҳам барча томонлар учун жуда муҳим.
ТДТ космик агентликлари ва тегишли органларнинг биринчи йиғилиши 2021 йил 20 декабрда Озарбайжонда бўлиб ўтди.
Фото: aa.com.tr
