Туркистонда талабалар ўртасида XIII ёзги Универсиада бошланди
ASTANA. Kazinform – 10 майдан 14 июнгача Туркистон шаҳридаги Халқаро туризм ва меҳмондўстлик университетида мамлакатимиз олий таълим муассасалари талабалари ўртасида XIII ёзги Универсиада бўлиб ўтмоқда, деб хабар беради Kazinform агентлиги ҚР Фан ва олий таълим вазирлигига таяниб.
Мусобақада 76 та олий ўқув юртидан 4000 нафардан ортиқ талабалар спортнинг 17 та тури: бадминтон, стол тенниси, баскетбол, шахмат, тхэквондо, тўққизқумалақ, енгил атлетика, каратэ-до, волейбол, дзюдо, эркин кураш, аёллар кураши, юнон-рум кураши, қозоқ кураши, бокс, сузиш, футзал бўйича беллашади. Жумладан, 600 нафардан ортиқ ўқувчи миллий спортнинг тўққизқумалақ ва қозоқ кураши бўйича иштирок этади.
Универсиаданинг тантанали очилиш маросими 16 май куни “Туркестан Арена” марказий стадионида, ёпилиш маросими эса 13 июнь куни «OLYMPIC CENTER» спорт мажмуасида бўлиб ўтади. Мусобақа давомида 800 дан ортиқ медаллар ва 100 дан ортиқ кубоклар топширилади. Спорт тадбирлари университет кампусида ҳам, шаҳардаги замонавий ихтисослаштирилган спорт мажмуаларида ҳам ўтказилади.
Дастлабки беллашувлар тўққизқумалақ ва стол тенниси бўйича бошланди. Тўққизқумалақ бўйича 32 та олий ўқув юртидан 192 нафар, стол тенниси бўйича 26 та олий ўқув юртидан 156 нафар талаба иштирок этмоқда.
Ташкилотчиларнинг таъкидлашича, Универсиаданинг ўтказилиши талаба ёшлар ўртасида соғлом турмуш тарзи тамойилларини шакллантириш, мамлакатимизда оммавий спортни ривожлантиришга хизмат қилади.
