Туркистонда чегарадан 25 минг доллар олиб чиқиб кетмоқчи бўлган Ўзбекистон фуқароси ушланди

NUR-SULTAN. Kazinform - Туркистон вилоятидаги «Қапланбек» божхона пункти ходимлари чегарадан 25 минг доллар олиб ўтмоқчи бўлган Ўзбекистон фуқаросини тўхтатди. Бу ҳақда ҚР Молия вазирлиги матбуот хизматига таяниб, Kazinform хабар бермоқда.

«Божхона кўригидан ўтказиш чоғида Қозоғистон Республикасидан Ўзбекистон Республикасига ўтиш йўналишидаги йўловчилар терминалида «Rapiscan» рентген-телевизион аппарати ёрдамида қўл юкларини кўздан кечириш чоғида 2003 йилда туғилган «А» исмли Ўзбекистон фуқаросидан 25 000 АҚШ доллари эквивалентида нақд пул топилган. Мазкур ҳолат юзасидан маъмурий иш қўзғатилиб, материаллар процессуал қарор қабул қилиш учун Сариағаш тумани ихтисослаштирилган маъмурий судига юборилди»

, — дейилади расмий хабарда.

Эслатиб ўтамиз, Қозоғистон Республикаси Президентининг 2022 йил 14 мартдаги «Қозоғистон Республикасининг молиявий барқарорлигини таъминлаш чора-тадбирлари тўғрисида»ги 830-сон Фармони билан Қозоғистон Республикасидан:

- Қозоғистон Республикаси Миллий банкининг актуал курси бўйича эквиваленти 10 000 (ўн минг) АҚШ долларидан ортиқ бўлган нақд хорижий валюта ва (ёки) хорижий валютадаги пул воситаларини;

- Миллий банк томонидан муомалага чиқарилган 5, 10, 20, 50 ва 100 граммлик тозаланган олтин қуймалари ҳамда «ALTYN BARYS» олтин ва «KÚMIS BARYS» кумуш инвестиция тангаларини, шунингдек, 100 граммдан ортиқ тозаланган олтинларни олиб кетиш тақиқланган.