Туркистон вилоятидаги Арпаўзен петроглифларини ЮНЕСКО рўйхатига киритиш таклиф қилинмоқда

TÚRKİSTAN. Кazinform – Туркистон вилоятида Арпаўзен петроглифларини Халқаро маданий мерос рўйхатига киритиш ишлари бошланди. Вилоят ҳокими Дархан Сатибалди Созақ туманида бўлиб, Қаратау этагидаги петроглифлар ҳолати билан танишди. Мутахассислар билан петроглифларни муҳофаза қилиш, туризм кластерини ривожлантириш юзасидан фикр алмашилди, деб хабар беради Кazinform вилоят ҳокимлиги матбуот хизматига таяниб.

«Қоратау ноёб тарих ва бой қадимий меросни сақлайди. Арпаўзен петроглифлари алоҳида ўрин тутади. Бу ажойиб тарихий мерос билан кўпчилик таниш эмас. Биз очиқ осмон остидаги тарихий ёдгорликни сақлаб қолишимиз керак. Бунинг учун тарихчи ва тадқиқотчиларнинг фикр-мулоҳазалари инобатга олинади», – дейди Дархан Сатибалди.

Тадқиқотчиларнинг фикрича, Созақдаги Келиншектау тизмасида жойлашган петроглифларнинг ёши 4-5 минг йил. Бронза давридан сақланиб қолган ёдгорликларда одамлар, ҳайвонлар, ўтмиш манзаралари, хусусан, буқа ва туялар, жанг аравалари, қуёш ва бошқа элементлар тасвирланган.

Келгусида Арпаўзен петроглифларини алоҳида муҳофазага олиш ишлари режалаштирилган. Бу ташаббус Туркистон ўлкасининг маданий тараққиёт концепциясига киритилган.

Барча петроглифлар суратга олинди ва уларга паспортлар расмийлаштирилди. Бир гуруҳ олимлар иштирок этмоқда. Келгуси йилда ҳам бу ишларни давом эттириш режалаштирилган. Иккинчидан, Арпаўзен петроглифларини ЮНЕСКОнинг тарихий-маданий мероси рўйхатига киритиш режалаштирилган. Бунинг учун мамлакат олимлари тегишли тавсиялар ишлаб чиқиши керак.