Туркистон вилоятида жорий йилда 120 мингга яқин иш ўрни яратилади
TÜRKISTAN. Kazinform - Туркистон вилояти ҳокими томонидан тасдиқланган “Ҳудудий бандлик харитаси”га кўра жорий йилда 118 минг 900 иш ўрни яратиш режалаштирилган. Мазкур лойиҳа доирасида йил бошидан буён 68 минг 500 нафар аҳоли бандлигини таъминлаш тадбирларида иштирок этди. Уларнинг 31 минг нафари доимий иш ўрнига эга бўлди, 37,5 минг нафари вақтинчалик имтиёзли иш ўринлари билан қамраб олинди. Бу ҳақда вилоят бандликни мувофиқлаштириш ва ижтимоий дастурлар бошқармаси бошлиғи Асия Темирбаева маълум қилди.
Вилоятда 1500 нафар ишсиз фуқаро миллий лойиҳа ва концепциялар бўйича, 320 нафар фуқаро хусусий инвестиция лойиҳалари бўйича иш билан таъминланди. Шунингдек, 1783 нафар фуқаро янги бизнес ғояларини ҳаётга татбиқ этиш мақсадида грант олиб, ўз тадбиркорлигини йўлга қўйди.
“Йил бошидан буён грант олиш учун 5388 нафар фуқаро ҳужжат топширган. Комиссия қарорига кўра, 1783 нафар резидентга грантлар ажратилиб, 2570,9 млн тенге ўзлаштирилган. 3 киши битта ўринни эгаллади. Биринчи маърузада вилоят ҳокимининг фармойишига кўра, 7 та туман ва шаҳарга тажриба лойиҳаларини амалга ошириш мақсадида 120 та грант ажратилиши кўзда тутилган эди. Шунда роппа-роса 95 киши қайтариб берилмайдиган маблағ олган. Иккинчи босқич июль ойида бўлиб ўтди. Улар орасидан Сайрам тумани ва Туркистон шаҳрида 25 нафар фуқарога синов лойиҳаси асосида грант ажратилди”, — деди бошқарма бошлиғи.
Туркистон вилоятида кўп болали оилалар сони 185 минг 690 кишини ёки республикадаги барча кўп болали оналарнинг тўртдан бир қисмини ташкил этади. Шу боис вилоятда кам таъминланган фуқароларнинг даромадларини ошириш ҳисобига қашшоқликни камайтиришга қаратилган ишлар жорий йилда ҳам изчил давом эттириляпти. Вилоятда қашшоқлик даражасини 2023 йилга нисбатан 5,5 фоизга ёки 25 фоизга камайтириш режалаштирилган.
“Жорий йилда 116,2 минг кишига махсус ижтимоий ёрдам кўрсатиш учун бюджетдан 9,6 миллиард тенге ажратилди. Шунингдек, туман ва шаҳар ҳокимлари билан камбағаллик даражасини пасайтириш юзасидан меморандумлар тузилиб, 2024 йилга мўлжалланган махсус ижтимоий ёрдам кўрсатишнинг чораклик режаси тасдиқланди. Йил бошидан буён 14 минг 160 оилага ёки 84 минг 860 нафар фуқарога ижтимоий ёрдам тайинланди. Яъни, кўрсаткич 19 563 кишига камайди. Кам таъминланган фуқаролар улуши вилоят умумий аҳолисининг 4 фоизини ташкил этади. 2023 йилнинг мос даврига нисбатан кам таъминланган фуқаролар сони 61 минг 224 нафарга ёки 41,9 фоизга камайган”, - деди Асия Темирбаева.
Бугунги кунда вилоятда 97 минг 280 нафар ногиронлиги бор фуқаро бор. «AMANAT» партиясининг “Халқ билан” Сайловолди дастурида белгиланган устувор вазифалар ижросини таъминлаш мақсадида ўтган йили 607 объект мослаштириш тадбирлари билан қамраб олинди. Шу мақсадда 154,7 млн тенге бўлиши кўриб чиқиляпти. Бироқ маҳаллий бюджетдан маблағлар умуман ажратилмаган ёки ажратилаётган маблағлар миқдори арзимаган туманлар ҳам бор. Соҳа мутахассисларининг фикрича, бу ўз навбатида мослаштириш ишларининг сифатли бажарилишига салбий таъсир кўрсатяпти.
“Туркистон вилояти бандлик ва ижтимоий дастурларни мувофиқлаштириш бошқармаси қошида махсус ижтимоий хизматлар кўрсатишга бағишланган 12 марказ мавжуд. Улар орасида 4 та стационар ва 6 та ярим стационар типдаги муассасалар ҳамда “Фахрийлар уйи” ва “Махсус касб-ҳунар коллежи” фаолият кўрсатиб келяпти. Йил бошидан буён бошқармага қарашли марказларда 1064 нафар фуқарога ижтимоий хизмат кўрсатилди”, – дейди Асия Темирбаева.
Бугунги кунда вилоятда 200 ўринли имконияти чекланган катталар реабилитация маркази, психоневрологик нуқсони бўлган ногирон болалар учун 50 ўринли махсус ижтимоий хизмат кўрсатиш маркази барпо этиляпти. Шунингдек, “6-сонли махсус ижтимоий хизматлар маркази” ташкил этилди ва иш бошлади. Шунингдек, хусусий тадбиркор маблағлари ҳисобидан аутизм ва бошқа руҳий касалликларга чалинган болалар учун марказлар ташкил этиш лойиҳаси ҳам йўлга қўйилади.
Муаллиф: Қайрат Зайнишев
