Турк олимлари алцгеймер касаллигини эрта аниқлаш технологиясини ишлаб чиқди

ASTANA. Kazinform - Туркия Яқин Шарқ техника университети (Orta Doğu Teknik Üniversitesi, ODTÜ, METU) олимлари сунъий интеллектга асосланган ҳолда Алцгеймер касаллиги хавфини эрта аниқлаш имконини берувчи технологияни ишлаб чиқди, деб хабар беради Kazinform Анадолу агентлигига таяниб.

METU университетининг информатика педагогика институти кенгаши ва нейрология ва нейротехнология соҳасидаги Бирлашган амалий тадқиқот маркази бошқаруви аъзоси Ешим Айдин Соннинг сўзларига кўра, у тупурик намунаси ёрдамида генетик тест ўтказиш орқали аниқланади.

Унинг таъкидлашича, ушбу янгилик шифокорларга ташхис қўйишда сезиларли ёрдам беради.

– Биз 65 ёшдан ошган, хотирани йўқотиш каби Алцгеймер касаллиги белгилари бўлган одамларни қабул қиламиз. Биз генетик текширув ўтказганимиздан сўнг, шифокорлар унинг натижаларини клиник кўриниш билан бирлаштириб, шунга асосланиб ташхис қўйишлари мумкин”, - дея тушунтирди у.

Унинг сўзларига кўра, тадқиқот гуруҳи аъзолари сунъий интеллект ёрдамида халқаро ишчи гуруҳлар томонидан яратилган учта кенг кўламли маълумотлар тўпламини таҳлил қилиш асосида эрта босқичда касалликнинг ривожланиш хавфи кўрсаткичи бўлиши мумкин бўлган генетик профилларни аниқлайдилар.

– Биз ишлаб чиққан усул бўйича тест иштирокчиларидан сўлак намуналари олиниб, уларнинг ДНКси аниқланади. Тадқиқотлар касалликнинг хавфини 1,5-2 баробар оширадиган генетик ўзгаришларни аниқлади. Лойиҳамиз доирасида молекуляр диагностика тўпламининг прототипи ишлаб чиқилди, – давом этди у.

Бу усул Алцгеймер касаллиги билан оғриган 100 нафар беморга қўлланилган.
Олим Алцгеймер касаллигига эрта ташхис қўйиш даволашнинг кейинги босқичида катта аҳамиятга эга эканлигини таъкидлади.