Транскаспий йўналиши бўйича юк ташиш ҳажми 86 фоизга ошди

ASTANA. Kazinform - Жорий йилнинг 7 ойи давомида Қозоғистон орқали Транскаспий халқаро транспорт йўналиши (ТХТЙ) бўйлаб юк ташиш ҳажми ўтган йилнинг шу даврига нисбатан 86 фоизга ошиб, 1,6 миллион тоннани ташкил этди, дея хабар беради Kazinform «Самруқ-Қазна»АЖнинг расмий Telegram-каналига таяниб.

Шу билан бирга, Қозоғистондан экспорт улуши 1,2 миллион тоннани ташкил этади (ўсиш 2,5 баробар).

Ҳозирги геосиёсий вазиятда Хитой ва Марказий Осиё давлатларини Каспий денгизи, Жанубий Кавказ мамлакатлари ва Туркия орқали Европа билан боғловчи ТХТЙ (халқаро номи – Ўрта йўлак) асосий ўсиш нуқталаридан бирига айланди ва бошқа мамлакатларнинг эътиборини тобора ўзига тортмоқда. Президент Қасим-Жомарт Тоқаев ушбу йўналишни мамлакатнинг транзит ва экспорт имкониятларини янада тўлиқроқ амалга оширишга хизмат қилувчи «асосий бўғин» деб атади.