Трамп яна бобо бўлди

ASTANA. Kazinform – АҚШ президенти Дональд Трамп пайшанба куни 11-марта бобо бўлди — унинг қизи Тиффани Трамп ўғил фарзанд дунёга келтирди, деб хабар беради Independent.

“Ҳуш келибсан, болакай, Александр Трамп Булос! Биз сени сўзсиз севамиз! Ҳаётимизга келганинг учун раҳмат!” – деб ёзди пайшанба куни Тиффани Трамп ижтимоий тармоқларда ўғлининг оёғи туширилган сурат билан бирга.

Бу – 31 ёшли Тиффани Трамп ва унинг 27 ёшли турмуш ўртоғи Майкл Булоснинг биринчи фарзанди. Жуфтлик 2022 йил ноябрида Флоридадаги Палм-Бич шаҳрида жойлашган Мар-а-Лаго қароргоҳида турмуш қурган эди.

Дональд Трамп Тиффанининг ҳомиладорлигини 24 октябрдаги чиқишида эълон қилган, у Тиффанини собиқ рафиқаси Марла Мейплз билан бирга тарбиялаган.

Дональд Трампнинг бошқа неваралари:

Кичик Дональд ва унинг собиқ рафиқаси Ванессада 5 нафар фарзанд бор: Кай Мэдисон (18 ёш), Дональд Жон Трамп III (16 ёш), Тристан (13 ёш), Спенсер (12 ёш) ва Хлоя (10 ёш).

Иванка Трамп ва унинг турмуш ўртоғи Жаред Кушнерда 3 нафар фарзанд бор: Арабелла (13 ёш), Жозеф (11 ёш) ва Теодор (9 ёш).

Эрик Трамп ва унинг рафиқаси Ларада 2 нафар фарзанд бор: Эрик Люк (7 ёш) ва Каролина (5 ёш).