Трамп ва Зеленский нима ҳақида гаплашди
ASTANA. Kazinform – Оқ уйда Украина президенти Владимир Зеленский ва АҚШ президенти Дональд Трампнинг учрашуви бўлиб ўтди. Бу ҳақда ВВС ёзди.
"Бизда сиз адолатли битим деб атайдиган нарса бор", – деди АҚШ президенти фойдали қазилмаларни қазиб олиш бўйича келишувга ишора қилиб.
АҚШ президенти Зеленскийнинг генераллари ва аскарларини ҳурмат қилишини айтиб, аскарлар билан фахрланишини маълум қилди. Аммо энди у уруш тугашини хоҳлаётганини, бу азоб-уқубатлар етарли эканлигини айтди.
Трамп Россия қўшинларини олиб чиқиш ҳақида: Жуда катта ҳудуд оккупация қилинган
Владимир Зеленский билан учрашув чоғида журналистлар Дональд Трампдан “Россия қўшинлари Украина ҳудудидан чиқиб кетадими?” деб сўрашди.
“Кўрамиз. У ерда жуда катта ҳудуд оккупация қилинган", – деб жавоб берди Трамп. Бу баёнотни «РБК-Украина» иқтибос келтирган.
Трамп, агар у ва Зеленский урушни тўхтата олса, бу “ажойиб” бўлишини айтди. Ўз навбатида, Зеленский тинчлик музокаралари чоғида Путин билан “ҳеч қандай муросага” бормаслигини айтди.
Зеленский Трампга уруш жиноятлари акс этган суратларни кўрсатиб, “Менимча, президент Трамп биз томонда”, деди.
Трамп учрашувда НАТО ҳақида ҳам гапирди
“Биз НАТОга содиқмиз, лекин НАТО ўз позициясини мустаҳкамлаши, европаликлар эса янада кучлироқ бўлиши керак. Улар биз билан тенг бўлишларини истайман. Нима учун биз океаннинг нариги томонига Европадан кўра кўпроқ пул ва бошқа ёрдам юбордик? Албатта, улар [Украинага] жуда фойдали бўлди, лекин биз кўпроқ пул сарфладик”, – деди Трамп.
Вэнс Украина президентини АҚШга ҳурматсизликда айблади
АҚШ вице-президенти Жей Ди Вэнс билан дипломатиянинг аҳамияти ҳақида гапирди.
“Мен Путин билан шартнома имзолаганман, ўша пайтда Макрон ва Меркель ҳам иштирок этди. Бу ерда қандай дипломатия ҳақида гапираяпмиз?” – деди унга Зеленский.
Вэнс Зеленскийни ҳурматсизликда айблади. Шундан сўнг Трамп Украина раҳбари “Учинчи жаҳон уруши билан ўйнашаётганини” айтди.
"Сиз АҚШга келиб, мамлакатингиз вайрон бўлишига йўл қўймасликка ҳаракат қилаётган мамлакат маъмуриятига ҳужум қилишни шараф деб ҳисоблайсизми?" – деб сўради Вэнс.
“Ҳозир қулай вазиятда эмассиз. Сиз миллионлаб одамларнинг ҳаётини хавф остида қолдирмоқдасиз. Сиз Учинчи Жаҳон уруши бошлаш хавфини туғдирмоқдасиз”, – деди Трамп.
Учрашувнинг биринчи оммавий қисми Трампнинг Зеленскийни етарлича миннатдорчилик билдирмагани учун танқид қилиши билан якунланди.
"Бу телевидение учун ажойиб шоу бўларди", – дея қўшимча қилди у.
Зеленскийнинг Оқ уйдан чиқиб кетди
Украина оммавий ахборот воситаларининг хабар беришича, Зеленский музокаралар якунланмагач, Оқ уйни тўсатдан тарк этган, деб хабар берди BBC.
Оқ уй икки президент ўртасидаги музокаралардан сўнг ўтказилиши керак бўлган қўшма матбуот анжумани ўтказилмаслигини тасдиқлади.
АҚШ президенти Дональд Трамп ўзининг Truth Social саҳифасида музокаралар бузилгани ҳақида баёнот берди.
“Бугун биз Оқ уйда жуда муҳим учрашув ўтказдик. Биз бундай қизғин суҳбат ва босим таъсирисиз, бошқача тушуниш мумкин бўлмаган нарсаларни билиб олдик. Ажабланарлиси шундаки, у ҳис-туйғулар орқали чиқди. Менинг тушунишимча, Зеленский АҚШ воситачилик қилмоқчи бўлган тинчликка тайёр эмас. Унинг фикрича, бизнинг иштирокимиз музокаралар давомида унга катта устунлик беради. Менга устунлик керак эмас, менга тинчлик керак", – деди АҚШ президенти.
“Зеленский АҚШ учун муқаддас бўлган жойда ҳурматсизлик кўрсатди. У тинчликка тайёр бўлганда қайтиши мумкин”, – деди Трамп.
Учрашув ва матбуот анжумани давомида Трамп тинчликни қўллаб-қувватлаш миссияси ҳақида бир неча бор гапирди.
“Агар мен улар (Россия ва Украина) ўртасида турмаганимда, ҳеч қандай келишув бўлмасди”, – деди у.
Трамп, шунингдек, Зеленский Путиндан нафратланишини ва Россия раҳбари ҳам уни ёқтирмаслигини айтди.
“Сизлар менинг қаттиққўл бўлишимни хоҳлайсизларми? Мен сиз хоҳлаганигиздан ҳам қаттиқроқ бўлишим мумкин, лекин сиз ҳеч қачон келишувга эриша олмайсиз”, – деди Трамп.
У фақат АҚШ манфаатларидан келиб чиқиб иш тутаётганини айтди.
“Мен Путинни қўллаб-қувватламайман, ҳеч кимни қўллаб-қувватламайман. Мен фақат АҚШни қўллаб-қувватлайман", – деди президент.
Трамп ва Зеленский хавфсизлик кафолатлари ҳақида сўралганда, бир-бири билан баҳслашди.
Трампнинг айтишича, бу айсбергнинг фақат учи ва қилиниши керак бўлган ишларнинг атиги 2 фоизи.
Зеленский ўт очишни тўхтатиш иш бермаслигини айтди, чунки Путин Украинани ёмон кўради. Шунинг учун Украина ўт очишни тўхтатишдан қониқмаяпти, унга хавфсизлик кафолатлари керак.
Трамп ва Зеленский фойдали қазилмалар бўйича келишувни имзолай олишмади
АҚШ ва Украина президентларининг Вашингтондаги учрашуви муваффақиятсиз якунланди. Томонлар Украина ер ости бойликлари бўйича вақтинчалик келишувни имзоламаган. Улар ёпиқ эшиклар ортидаги қизғин баҳс-мунозарадан сўнг йиғилишни тўсатдан тўхтатдилар.
Владимир Зеленскийни ҳурматсизликда айблаган Дональд Трамп дарҳол Truth Social саҳифасида пост қолдирди.
Унинг фикрича, Украина президенти тинчликка тайёр эмас.
Зеленский Оқ уйни тарк этди.
