Трамп Украинага Америка қуролларини етказишини маълум қилди

ASTANA. Kazinform – АҚШ президенти Дональд Трамп НАТО ва АҚШ Украинага қурол етказиш бўйича келишувга эришганини маълум қилди, деб ёзади Kazinform агентлиги мухбири.

Маълумот ABC News сайтида чоп этилган хабарга асосланган.

АҚШ раҳбари бу ҳақда Оқ уйда НАТО бош котиби Марк Рютте билан учрашув чоғида айтди. Трампнинг сўзларига кўра, «миллиардлаб доллар» қийматидаги қурол-яроғ АҚШнинг мудофаа саноатида ишлаб чиқарилади ва Европа давлатлари маблағлари ҳисобидан молиялаштирилади.

“Бугун биз келишувга эришдик: биз уларга қурол берамиз, улар эса унинг пулини тўлайди. АҚШ бу учун ҳеч қандай тўлов олмайди. Биз бу қуролни харид қилмаймиз, аммо ўзимиз ишлаб чиқарамиз, тўловни эса улар амалга оширади”, — деди Оқ уй раҳбари.

Ўз навбатида, НАТО бош котиби Марк Рютте келишувни “ҳақиқатан ҳам йирик келишув” деб атади ва “европаликлар ташаббус кўрсатаяпти”, деди.

“Бу Украинага ҳаво ҳужумларидан ҳимоя тизимлари, ракета ва ўқ-дориларни ўз ичига олган катта ҳажмдаги ҳарбий техникани харид қилиш имконини беради”, — деди Рютте.

Шунингдек, у мазкур келишувга қўшилиш ниятида бўлган «бир қатор мамлакатлар билан мулоқотда эканини» маълум қилди.