Трамп Россия ва Хитойга мудофаа бюджетини ярмига қисқартиришни таклиф қилмоқчи

ASTANA. Kazinform - АҚШ президенти Дональд Трамп имкон қадар тезроқ Россия етакчиси Владимир Путин ва Хитой раҳбари Си Цзиньпин билан учрашувлар ўтказишни хоҳлашини айтди, деб хабар беради Kazinform агентлиги ТАССга таяниб.

Трампнинг Оқ уйда журналистлар билан мулоқоти чоғида ундан АҚШ, Россия ва Хитой ўртасида уч томонлама саммит ўтказиш ҳақида ўйлаяпсизми, деган савол берилди.

— Мен буни вазият бироз тинчланганда кўраман, — деди Трамп.

Унинг эслатишича, 2021 йилда ўзининг биринчи президентлик муддати якунида Украина инқирози ҳам, Яқин Шарқдаги можаронинг кучайиши ҳам кузатилмаган.

— Мен қайтиб келдим ва бутун дунё ҳавода учаётгандек бўлди. Шундай экан, биз буни уддасидан чиқсак, мен биринчи учрашувларимдан бири Хитой раҳбари Си билан, Россия президенти Путин билан бўлишини истардим, — деди Трамп.

У ушбу мулоқотлар давомида "ҳарбий бюджетларни икки баравар қисқартириш" ни муҳокама қилишни исташини тушунтирди.

— Биз қила оламиз. Ўйлайманки, биз буни уддалаймиз, — деди Трамп.

Аввалроқ Трамп Россия президенти Владимир Путин билан телефон орқали мулоқот қилгани хабар қилинганди.

Трамп Владимир Путин билан биринчи учрашуви Саудия Арабистонида бўлишини айтди.

ТАСС ҳамкор агентлиги томонидан Кazinform учун махсус тақдим этилган.