Трамп: Путин билан биринчи учрашув Саудия Арабистонида бўлади

ASTANA. Kazinform – Дональд Трамп Оқ уйнинг Овал кабинетида журналистлар саволларига жавоб берди, деб хабар беради ВВС.

Трампнинг сўзларига кўра, унинг Россия президенти Владимир Путин билан телефон орқали мулоқоти чоғида келишиб олган биринчи учрашуви Саудия Арабистонида бўлиб ўтади. Трамп ўзининг мудофаа вазири Пит Хегсетнинг Украинанинг НАТОга аъзо бўлиши ҳақиқатга тўғри келмайди, деган фикрга қўшилишини айтди.

Шу билан бирга, Трамп Қўшма Штатлар Украинага ёрдам кўрсатишда давом этишини айтди. У қандай йўл тутишига аниқлик киритмади, бироқ у аввалроқ Украинага ёрдам эвазига АҚШга муҳим фойдали қазилмалар етказиб беришни таклиф қилган.

Америка президентининг фикрича, Украинада ўт очишни тўхтатиш “яқин келажакда” бўлиши мумкин ва бу мамлакатда янги сайловлар ўтказилиши керак. Украина қонунларига кўра, ҳарбий ҳолат даврида сайлов ўтказиш мумкин эмас.

Аввалроқ Трамп Россия президенти Владимир Путин билан телефон орқали мулоқот қилгани хабар қилинганди. Шундан сўнг у Украина президенти Владимир Зелинский билан суҳбатлашди.