Трамп билан кечки таом – 1 миллион доллар: крипто-танлов ғолиблари маълум бўлди

ASTANA. Kazinform – АҚШ президенти билан кечки таомда иштирок этиш учун ўтказилган танловнинг 220 нафар ғолиби криптовалюта харид қилишга жами 394 миллион доллар сарфлаган. Бу ҳар бир киши учун ўртача 1 788 994,42 доллардан тўғри келади, деб хабар беради NBC News.

Блокчейн таҳлили билан шуғулланувчи Nansen компанияси таҳлилига кўра, исмини ошкор этмаган 200 нафардан ортиқ бой инсон Дональд Трамп билан Вашингтонда кечки таомда иштирок этиш учун $TRUMP мемкоинини харид қилиш мақсадида 55 минг доллардан 37,7 миллион долларгача маблағ сарфлаган.

Энг юқори 7 нафар ғолиб 10 миллион доллардан зиёд маблағ сарфлаган бўлса, энг паст 24 нафар ғолиб 100 минг доллардан кам сарфлаган. Ғолибларнинг учдан бир қисми — 67 нафар иштирокчи 1 миллион доллардан кўпроқ маблағ йўналтирган.

Бу танловнинг 220 нафар ғолиби Вашингтондаги Trump National Golf Club’да кечки таомга таклиф қилинган.

Танловнинг расмий веб-сайтида айтилишича, $TRUMP тангаларининг 80 фоизи Трамп билан боғлиқ бўлган CIC Digital ва Fight Fight Fight LLC компанияларига тегишли.

Аввалроқ, Трамп президентлик муддати тугунгача “Олтин гумбаз” қуришни режалаштираётгани ҳақида ёзгандик.