Тожикистон президенти мамлакат армиясига сунъий интеллектдан фойдаланиш бўйича кўрсатма берди
DUSHANBE. Kazinform - Душанбеда Тожикистон Қуролли кучлари ташкил этилганининг 32 йиллиги муносабати билан ҳарбий парад бўлиб ўтди, деб хабар беради Kazinform мухбири.
Маросимда сўзга чиққан Тожикистон президенти Эмомали Раҳмон мутахассисларни байрам билан табриклаб, бугун рўй бераётган турли кескинликлар вақтида армия бўшашмаслиги кераклигини таъкидлади.
“Экстремистик ва террористик ташкилотларнинг фаолияти ва гиёҳвандлик воситаларининг ноқонуний айланиши, уюшган жиноий гуруҳлар фаолияти асосий таҳдид бўлиб қолмоқда. Бинобарин, ҳарбийлар ва ҳуқуқ-тартибот идоралари ходимлари зиммасига алоҳида масъулият юкланади”,- деди Э. Раҳмон.
Тожикистон раҳбари кадрлар малакасини оширишга алоҳида эътибор қаратиш муҳимлигини таъкидлаб, армияга замонавий технологияларни жорий этиш бўйича кўрсатмалар берди.
“Офицер ва аскарларнинг касб маҳоратини ошириш зарур. Шу билан бирга, армия замонавий технологияларни, жумладан, сунъий интеллектни ҳам ўзлаштириши зарур ва ундан фойдаланишга устувор аҳамият берилиши керак”,- дея таъкидлади Тожикистон президенти.
Эслатиб ўтамиз, Қирғизистон Тожикистон ва Ўзбекистон билан чегара назоратини кучайтиришни режалаштирмоқда.
Муаллиф: Алихан Асқар
