Тошкентда МДҲ Иқтисодий кенгашининг йиғилиши бўлиб ўтади

TASHKENT. Kazinform — 28 апрель куни Ўзбекистон пойтахтида МДҲ Иқтисодий кенгашининг йиғилиши бўлиб ўтади, деб хабар беради Kazinform агентлиги мухбири.

Бу ҳақда Москвада ташкил этилган иқтисодий масалалар бўйича комиссиянинг навбатдаги йиғилишида ма’лум қилинди. Унинг доирасида Ўзбекистон ташаббуси билан ишлаб чиқилган комплекс режа кўриб чиқилди.

Хусусан, МДҲга аъзо давлатлар 2030 йилгача ўзаро сармояларни жалб қилиш йўналишидаги ҳамкорликни мустаҳкамлашдан манфаатдор.

“Ҳужжатда инвестиция муҳитини яхшилаш, МДҲга аъзо мамлакатлар иқтисодиётига хорижий манбалардан маблағларни жалб этиш бўйича қўшма лойиҳаларни амалга ошириш режалари ўрин олган”, - дейилади ташкилот расмий сайтида эълон қилинган хабарда.

Мазкур комплекс режа жорий йил 28 апрелда Тошкент шаҳрида бўлиб ўтадиган МДҲ Иқтисодий кенгаши йиғилишида тасдиқланиши режалаштирилган.

Эслатиб ўтамиз, жорий йил 3-4 апрель кунлари Самарқанд шаҳрида Европа Иттифоқи ва Марказий Осиё давлатларининг биринчи саммити бўлиб ўтади.

Муаллиф: Алихан Асқар