Тоқаевга Tik-Tok компаниясининг мамлакатдаги фаолияти ҳақида ахборот берилди
ASTANА. Кazinform - Бу ҳақда Ақорда матбуот хизмати хабар берди.
Солиқ имтиёзлари, визани қўллаб-қувватлаш ва бошқа қулай шарт-шароитлар натижасида хорижий компаниялар ва IТ-мутахассислари Аstana Hub экотизимига қўшилмоқда.
Ҳозирда ҳамкорликда илмий лойиҳаларни амалга ошириш ва янги маҳсулотларни ишлаб чиқиш мақсадида Telegram, TON, Tether, Google, EPAM ва бошқа глобал ІТ-саноат вакилларининг мамлакатда офисларини очиш бўйича музокаралар олиб борилмоқда.
Қасим-Жомарт Тоқаев сунъий интеллект соҳасидаги маҳаллий маҳсулотларни томоша қилди. Улар орасида конларнинг рақамли нусхаси, дронларни бошқариш ва ишлаб чиқариш учун робот-it каби саноат ечимлари бор.
Президентга давлат хизмати жараёнида қўлланиладиган сунъий интеллект технологиялари моделлари тақдим этилди.
Шунингдек, AITU экотизимининг имкониятлари, Nazarbayev University қошида ташкил этилган Сунъий интеллект институти (ISSAI) лойиҳалари — KazLLMнинг қозоқ тилидаги биринчи модели ва кўп функцияли SoyleApp иловаси ҳақида маълумот берилди.
Аввал хабар берганимиздек, сунъий интеллект соҳасидаги маҳаллий маҳсулотлар Президентга тақдим этилди.
