Тоқаев OneWeb асосчиси билан чекка қишлоқларга интернет етказиш масаласини муҳокама қилди

ASTANA. Kazinform - Президент Қасим-Жомарт Тоқаев Bharti Enterprises ва OneWeb асосчиси ва раҳбари Сунил Барти Миттал билан учрашди, деб хабар беради Ақорда.

Учрашувда паст орбитали сунъий йўлдошлар ва ерости станциялар тармоғидан фойдаланиш орқали чекка аҳоли пунктларини интернет билан қамраб олиш масалалари муҳокама қилинди.

Эслатиб ўтамиз, Давлат раҳбари энг чекка қишлоқларни SpaceX ва OneWeb паст орбитали сунъий йўлдош тизимлари билан қамраб олиш ишларини фаоллаштириш бўйича топшириқ берган эди.

Фото: t.me/bort_01