Тоқаев: Миллий қурултой – халқимизни ягона мақсад йўлида уйғунлаштирадиган ўзига хос тузилма
«Миллий қурултой – халқимизни ягона мақсад йўлида уйғунлаштирадиган ўзига хос тузилма. Мен ўтган йил мартда ўз Мурожаатномамда ушбу анжуманни чақириш ташаббуси билан чиққан эдим. Бу қадам жамоатчилик билан мулоқотни кучайтириш мақсадида қилинди. Шунингдек, бу ерда миллат келажагига дахлдор миллий масалалар муҳокама этилади. Биз қурултойнинг биринчи йиғилишини роппа-роса бир йил аввал Улитауда ўтказган эдик. Кўплаб муҳим ишлар давлатимиз барпо этилган муҳтарам заминдан бошланган. Бу яхши тенденция жорий йилда ҳам давом этяпти», – деди Президент.
Давлат раҳбари бугунги учрашув барча туркий халқлар учун муқаддас шаҳарда ўтказилаётганини ҳам таъкидлади.
«Халқимиз одатда Туркистон қозоқларнинг маънавий пойтахти дейишади. Бироқ, шаҳарнинг аҳамияти бундан анча юқори. Муқаддас шаҳар мамлакатимиз тарихида алоҳида ўрин тутган. Қадим замонлардан буён Туркистон Буюк Ипак йўли бўйидаги йирик шаҳар бўлган. У барча қардош халқларга билим тарқатувчи маънавият маркази ҳисобланган. Шунингдек, Қозоғистон тарихида ўчмас из қолдирган кўплаб шахсларимиз ҳам шу ерда ўзларининг мангу масканларини топдилар. Айтиш мумкинки, қозоқ халқининг бутун тарихи шаҳар деворларига тарих билан ёзилган», – деб таъкидлади Қасим-Жомарт Тоқаев.
Эслатиб ўтамиз, бугун Туркистонда ҚР Президенти иштирокида Миллий қурултойнинг иккинчи йиғилиши бўлиб ўтяпти.
Муаллиф: Алихан Асқар
