Ўтган ҳафтада Миллий банк томонидан 421,9 млн долларлик валюта операциялари амалга оширилди

NUR-SULTAN. Kazinform – Жаҳон молия бозорларидаги вазият ҳамон ўзгармоқда. Ички валюта бозорининг беқарорлашувига йўл қўймаслик мақсадида 9 март куни Қозоғистон фонд биржасида Франкфурт аукционига кўра доллар-тенге жуфтлиги сотилди, натижада Миллий банкнинг валюта интервенциялари 198,9 миллион АҚШ долларини ёки бир кунлик савдолар умумий ҳажмининг 94,4 фоизи ташкил этди, деб хабар беради Kazinform.

Мамлакат иқтисодиётида кутилмаган ташқи ўзгаришларнинг олдини олиш ва ички валюта бозоридаги мувозанатни сақлаш мақсадида Миллий банк валюта интервенцияларини амалга оширади. Ўтган ҳафтада уларнинг ҳажми 421,9 миллион АҚШ долларини ёки биржа савдоларининг 59,2 фоизини ташкил қилди.

Ўтган ҳафтада Миллий жамғармадан республика бюджетига ўтказмаларни таъминлаш мақсадида 240,2 миллион АҚШ доллари миқдорида хорижий валюта сотилган. Миллий банкнинг валюта интервенциялари ва Миллий жамғарма маблағлари ҳисобидан сотиш улуши умумий савдолар ҳажмининг 92,9 фоизини ташкил этди.

Қисқа муддатда тенге курсининг ўзгарувчанлиги санкция риторикасига, маҳаллий иштирокчиларнинг кутишларига ва жаҳон бозорларидаги вазиятга боғлиқ бўлади. Шу билан бирга, таъкидлаш жоизки, Миллий банк иқтисодиётдаги таркибий ўзгаришлар ва эркин валюта курслари тамойилларига мослашишнинг зарурий талаби бўлган тўлақонли инфляцияни таргетлаш режимига ўтиш бўйича ишларни давом эттиради.