Tesla икки йиллик кечикишдан сўнг биринчи электр пикапни ишлаб чиқди

АNKARA. АNADOLY – Кazinform – Американинг Tesla компанияси ўзининг биринчи Cybertruck электр пикапини ишлаб чиқди. Бу ҳақда компания матбуот хизмати маълум қилди, дея хабар беради Кazinform Anadoluга таяниб.

Tesla жорий йил охирида Cybertruckни оммавий ишлаб чиқаришни йўлга қўйиш ниятида, бу эса унинг автомобиль бозорига тўлиқ кириб бориши ва Ford Motor ва Rivian Automotive компаниялари билан рақобатлашиш имконини беради.

Машинанинг корпуси оғир юкларга чидамли зангламайдиган пўлатдан ясалган, шишалари зирҳли.

Компания раҳбари Илон Маск, ўз навбатида, автомобиль кузови шунчалик кучлики, у 9 мм калибрли ўқга бардош бера олишини айтди.

Tesla 2019 йилда Cybertruckни тақдим этди, оммавий ишлаб чиқариш 2021 йилга режалаштирилган, бироқ кейинчалик у 2022 йилга, кейин эса 2023 йилга қолдирилди.