Термизда Қозоғистон зилзиладан жабр кўрган афғонистонликларга инсонпарварлик ёрдамини топширди

None
None
TERMIZ. Kazinform - Ўзбекистоннинг Термиз шаҳрида жойлашган БМТ логистика марказида Қозоғистон дипломатлари БМТнинг Афғонистонга кўмак кўрсатиш миссияси (UNAMA) вакилларига 2022 йил 22 июнда мамлакат жануби-шарқий вилоятларида содир бўлган даҳшатли зилзиладан жабр кўрган афғон фуқаролари учун инсонпарварлик ёрдамини топширди, деб хабар беради Kazinform.

Гуманитар юкларни топшириш маросимида UNAMA раҳбарияти, Қозоғистон Республикасининг Афғонистон ва Ўзбекистондаги дипломатик ваколатхоналари, Қозоғистон Республикасининг Самарқанддаги Бош консуллиги ходимлари иштирок этди.

БМТ вакиллари Қозоғистон Президенти ва Ҳукуматига афғон халқига доимий ва тизимли кўрсатилаётган инсонпарварлик ёрдами учун миннатдорлик билдирди. UNAMA раҳбарининг гуманитар масалалар бўйича ўринбосари Рамиз Алакбаров ҳозирги шароитда ва умуман, ушбу мамлакатдаги оғир ижтимоий-сиёсий ва ижтимоий вазиятда Афғонистон халқи учун салбий оқибатларни камайтиришда Қозоғистоннинг алоҳида ролини эътироф этди.



Қозоғистон Республикаси Халқаро хайрия комиссиясининг баённомасига кўра, табиий офатлардан жабрланганларга тўққиз вагон ёрдам (чодирлар, кўрпа-тўшаклар, чойшаблар, идиш-товоқ, кийим-кечак, озиқ-овқат) ажратилди. Яқин келажакда Қозоғистондан олинган гуманитар юклар БМТнинг ушбу мамлакатдаги таркибий бўлинмалари томонидан Афғонистонга етказилади ва тарқатилади.

Афғонистоннинг шарқий ва жануби-шарқий вилоятларида содир бўлган вайронкор зилзила ва сув тошқинлари оқибатида 1900 дан ортиқ одам ҳалок бўлди, 2000 дан ортиқ киши тан жароҳати олди. Турар-жой бинолари ва инфратузилма объектлари вайрон бўлган ва шикастланган. Сув тошқинлари экинлар ва яйловларга зарар етказди.

Сўнгги хабарлар
telegram