Теннис: Қозоғистонлик Елена Рибакина Индиан-Уэллсда Австралиянинг икки карра чемпионини мағлуб этди

NUR-SULTAN. Kazinform - Қозоғистоннинг биринчи, дунёнинг 20-ракеткаси Елена Рибакина Индиан Уэллс WТА 1000 турнирининг тўртинчи босқичига чиқди, дея хабар беради Кazinform мухбири.

Қозоғистонлик теннисчи учинчи босқичда дунёнинг 15-ракеткаси, Австралия очиқ чемпионатининг икки карра чемпиони, турнирнинг ўтган йилги финалчиси, Беларусь вакили Виктория Азаренко билан куч синашди.

Рақиблар илгари ҳеч қачон учрашмаган.

Бир ярим соатдан ортиқ давом этган баҳсда Е.Рибакина 6:3, 6:4 ҳисобида зафар қучди. Иккинчи сетда В.Азаренко шифокорлардан ёрдам сўради.

Қозоғистонлик теннисчи 5 та эйс амалга оширди ва 8 брейк-пойнтнинг иккитасидан фойдаланди. Беларуслик спортчи 3 эйс билан чекланди.

Е.Рибакина соврин жамғармаси 8,4 миллион долларни ташкил қилувчи турнирнинг чорак финалига чиқиш учун дунёнинг 51-ракеткаси швейцариялик Виктория Голубич билан куч синашади. Мусобақанинг иккинчи босқичида у яна бир қозоғистонлик Юлия Путинцевадан устун келди.

Муаллиф: Елжан Ерали