Теннис. Германия термасига қарши матчда Қозоғистон олға чиқди

NUR-SULTAN. Kazinform – Миллий теннис марказида Билли Джин Кинг кубоги саралаш босқичи доирасида Қозоғистон – Германия матчи бошланди, дея хабар беради Kazinform мухбири.

Дастлаб кортга Юлия Путинцева ва Анжелика Кербер чиқди.

Дунёнинг собиқ биринчи ракеткаси, «Катта дубулға» туркумига кирувчи турнирнинг уч карра ғолиби А.Кербер ҳозирда жаҳон рейтингида 17-ўринда, Й.Путинцева эса 52-ўринда.

Бунгача германиялик теннисчи Юлияни икки марта мағлуб этганди.

Бугунги учрашув 3:6, 6:3, 6:2 ҳисобида Қозоғистон вакиласининг ғалабаси билан якунланди.

Ушбу ғалаба Қозоғистон терма жамоасининг 1:0 ҳисобида олға чиқишига замин яратди.

Бугун Елена Рибакина ва Лаура Зигемунд яккалик баҳсларида куч синашади. Қолган ўйинлар эртага бўлиб ўтади.

Эслатиб ўтамиз, аввалроқ Қозоғистон - Германия учрашуви бугун бошланиши ҳақида ёзган эдик.

Муаллиф: Елжан Ерали