Теннис бўйича Қозоғистон – Польша учрашувига қуръа ташланди

ASTANA. Kazinform – Астана шаҳрида бўлиб ўтадиган Билли Жан Кинг кубогининг (жамоавий жаҳон чемпионати) саралаш босқичи доирасида Қозоғистон – Польша учрашувига қуръа ташланди, деб хабар беради Kazinform мухбири.

Қозоғистон теннис федерацияси матбуот хизмати хабарига кўра, мусобақани жаҳон рейтингида 45-ўринни эгаллаб турган Юлия Путинцева ва 19-ўринни эгаллаб турган Магда Линетт бошлайди.

Бу жуфтлик 14 апрель, жума куни Астана вақти билан соат 13:30да кортга чиқади.

Кейин навбат Қозоғистоннинг биринчи, дунёнинг 7-ракеткаси Елена Рибакина ва 253-ўринни эгаллаб турган Вероника Фальковскага келади.

Шанба кунига Елена Рибакина - Магда Линетт, Юлия Путинцева - Вероника Фальковска баҳслари ва жуфтлик баҳсларда Анна Данилина/Гўзал Айнитдинова - Алисия Росольска/Вероника Фальковска чиқишлари режалаштирилган.

Шанба кунги ўйинлар ҳам соат 13:30да бошланади.

Ғолиб жамоа жаҳон чемпионатининг сўнгги босқичига йўлланма олади.

Эслатиб ўтамиз, аввалроқ ҚР Президенти Елена Рибакинани қабул қилгани ҳақида ёзган эдик.

Муаллиф: Ғайсағали Сейтақ

Фото: Қозоғистон теннис федерацияси