Тенге бир ойда 0,6 фоиз мустаҳкамланди – ҚР Миллий банки

NUR-SULTAN. Kazinform – 2021 йил декабр ойида 1 АҚШ доллари 431,20 – 436,36 тенге оралиғида ўзгарди. Бу ҳақда Қозоғистон Миллий банки маълум қилди, деб хабар беради Kazinform.

Декабр ойи охирида тенгенинг АҚШ долларига нисбатан курси ой давомида 0,6 фоизга мустаҳкамланиб, бир АҚШ долларига нисбатан 431,80 тенгени ташкил қилди.

Ой давомида тенге-АҚШ доллари валюта жуфтлигидаги операцияларнинг умумий ҳажми 14,7 миллиард АҚШ долларини, шу жумладан Қозоғистон фонд биржасидаги биржа савдолари ҳажми – 4,3 миллиард АҚШ долларини, нобиржа валюта бозоридаги операциялар ҳажми - 10,5 млрд долларни ташкил қилди.