Таиландлик талаба дунёнинг гўзалига айланди
“Дунё гўзали” (Miss World) халқаро гўзаллик танловининг 2025 йилги ғолибаси таиландлик Сучата Чуангсри бўлди. Бу ҳақда танловнинг расмий сайтида хабар берилди.
Танловда дунёнинг турли мамлакатларидан 108 нафар иштирокчи қатнашган.
Ғолибликни қўлга киритган 21 ёшли Сучата Чуангсри халқаро муносабатлар факультети талабаси бўлиб, модель сифатида ҳам фаолият юритади. Шунингдек, у психология ва антропологияга ҳам қизиқади. У кўкрак бези саратонини ўрганишга ихтисослашган ташкилотларда кўнгилли сифатида ишлаган.
Сучата 72 йилдан бери ўтказиб келинаётган “Дунё гўзали” танлови тарихида ғолиб чиққан илк таиландлик бўлган.
“Бу лаҳза – шунчаки шахсий ғалаба эмас, бу – кўринишни, эшитилишни ва ўзгаришлар қилишни орзу қиладиган ҳар бир қизнинг орзуси. “Дунё гўзали” унвони орқали мен реал ўзгаришлар қилишга ҳаракат қиламан”, деган танлов ғолибаси.
Танлов Ҳиндистоннинг Ҳайдаробод шаҳрида ўтказилган. Унда биринчи вице-мисс – эфиопиялик Ҳассет Дереже Адмассу ҳам иштирок этган.
