Таиландда қозоғистонликлар бўлган яхта портлади
ASTANA. Kazinform – Таиланднинг Пхукет оролида сайёҳларни олиб кетаётган яхтада ёнғин содир бўлиб, олти киши, жумладан, уч сайёҳ жабрланди.
Маҳаллий Khaosod ахборот порталига кўра, яхтада 33 нафар россиялик ва қозоғистонлик сайёҳ, битта экскурсия етакчиси ва уч экипаж аъзоси бўлган.
Пхукет минтақавий порт идорасига 1 апрель куни маҳаллий вақт билан соат 9:00 атрофида «Thanamarine 555» яхтаси бортида ёнғин чиққани ҳақида хабар келиб тушган. Maълумотларга кўра, яхта капитани двигателида носозликлар юзага келган ва ёрдам чақирганидан сўнг таъмирлаш ишларини олиб борган. Шу пайтда тўсатдан ёнғин ва портлаш содир бўлди.
Портлаш оқибатида уч экипаж аъзоси ва уч сайёҳ жароҳат олди. Фавқулодда вазиятлар ходимлари жароҳатланганларни маҳаллий шифохонага етказган.
Пхукет минтақавий бандаргоҳ бошқармаси тергов ва ёрдам кўрсатиш учун воқеа жойига порт патруль кемасини жўнатди.
Таиланд туризм ва спорт вазири Суанг Тиенхонг Туристик полиция бюроси ва тегишли маҳаллий идораларга хавфсизлик, саёҳатни ташкил этиш ва жароҳатланганларга ҳар томонлама тиббий ёрдам кўрсатиш масалаларига эътибор қаратиб, сайёҳларга тўлиқ ёрдам кўрсатишни топширди.
