Тўрт ой ичида Қозоғистонда машинасозлик саноати 36 фоизга ўсди

ASTANA. Kazinform – Жорий йилнинг 4 ойи якунларига кўра, Қозоғистон иқтисодиёти барқарор ўсиш суръатларини кўрсатяпти. Бу ҳақда ҚР Бош вазир Алихан Смаилов Ҳукумат йиғилишида маълум қилди, дея хабар беради Kazinform мухбири.

«4 ойлик якунларига кўра, мамлакат иқтисодиёти яхши ўсиш суръатларини кўрсатяпти. Ялпи ички маҳсулот ҳажми ўтган йилнинг мос даврига нисбатан 5 фоизга ошди. Иқтисодиётнинг базавий тармоқларида ижобий динамика сақланиб қоляпти. Ишлаб чиқариш саноати 5,1 фоизга ўсди. Машинасозликда – 36%, шу жумладан автомобилсозликда – 41%, локомотив ва вагонлар ишлаб чиқаришда – 64% ўсиш кузатилди. Фармацевтика маҳсулотларининг ўсиши 4 фоизни ташкил этди. Енгил саноат – 35 фоиз, жумладан, тўқимачилик саноати – 55 фоиз, тикувчилик – 8 фоиз, чарм маҳсулотлари ишлаб чиқариш 2 фоиз ўсди. Озиқ-овқат ва минерал маҳсулотлар ишлаб чиқариш 8 фоизга, тайёр металл буюмлар ишлаб чиқариш 16 фоизга, нефтни қайта ишлаш 3 фоизга ошди. Шунингдек, электр энергияси ишлаб чиқариш 6 фоизга ошди», – дейди Алихан Смаилов.

Бундан ташқари, Ҳукумат раҳбари тоғ-кон саноатида ўсиш 2 фоизни ташкил этганини таъкидлади. Шу билан бирга, қурилиш соҳасида 15 фоиздан ортиқ доимий ўсиш сақланиб қолиняпти.

Муаллиф: Алихан Асқар