Статистика: Қозоғистонликларнинг ўртача маоши 243 минг тенгедан ошди

NUR-SULTAN. Kazinform - Қозоғистонда ўртача ойлик иш ҳақи 243 минг тенгени ташкил қилади. Бу ҳақда Қозоғистон Стратегик режалаштириш ва ислоҳотлар агентлигининг Миллий статистика бюроси маълум қилди, дея хабар беради Kazinform.

«2021 йилнинг учинчи чорагида ҳар бир ходимга ўртача ойлик номинал иш ҳақи 243 667 тенгени ташкил қилди. 2020 йилнинг мос чорагида номинал иш ҳақи индекси 119,3 фоизни, реал иш ҳақи индекси эса 109,8 фоизни ташкил этди», — дейилади хабарда.

Энг юқори номинал иш ҳақи қайд этилди:

- тоғ-кон саноати ва карьерларни қазиб олишда рўйхатга олинганлар - 501,0 минг тенге (Республика ўртача кўрсаткичидан 2,1 баравар юқори);

- молиявий ва суғурта фаолиятида - 452,8 минг тенге

(1,9 баравар юқори);

- касбий, илмий ва техник фаолиятда - 369,5 минг тенге (1,5 баравар кўп);

- ахборот ва алоқа соҳасида - 331,1 минг тенге (1,4 баравар юқори).

Ва энг кам номинал иш ҳақи қайд этилди:

- сув таъминоти; чиқиндиларни йиғиш, қайта ишлаш ва утилизация қилиш, ахлат чиқариш соҳаси ходимлари - 154,9 минг тенге;

- қишлоқ, ўрмон ва балиқ хўжалиги соҳасида – 167,5 минг тенге.

Минтақалар бўйича энг юқори ўртача иш ҳақи Aтирау вилоятида қайд этилди – 419,1 минг тенге, бу мамлакат ўртача кўрсаткичидан қарийб 1,7 баробар юқори. Туркистон вилоятида 181,1 минг тенгени ташкил этиб, республика кўрсаткичидан 25,7 фоизга паст.

Эслатиб ўтамиз, халқаро стандартларга мувофиқ, ходимнинг ўртача ойлик номинал иш ҳақи миқдори қўшимча тўловлар, бонуслар, мукофотлар, шунингдек солиқлардан (даромад солиғи, мажбурий пенсия бадаллари) бошқа ажратмалар ҳисобга олинган ҳолда шакллантирилади.