Starlink интернети Қозоғистон поездларига ўрнатилади

ASTANA. Kazinform - “Йўловчилар ташиш” акциядорлик жамияти поездларга Starlink интернетини ўрнатади, деб хабар беради Kazinform мухбири.

“Йўловчилар ташиш” акциядорлик жамияти бош директори Жанибек Тайжановнинг сўзларига кўра, ҳозирда пилот лойиҳасини ишга тушириш режалаштирилган. Компания ҳозирда Рақамли ривожланиш, инновациялар ва аэрокосмик вазирлигидан тасдиқлашни кутмоқда.

“Ўйлайманки, биз уни йил охиригача пилот режимида ишга туширамиз”, - деди Жанибек Тайжанов “Йўловчилар ташиш” акциядорлик жамияти фаолияти якунларига бағишланган брифингда.

Шунингдек, у 2024 йилнинг иккинчи ярмида «Тальго» поездларида видеокузатув ўрнатилишини айтди.