Starbucks 1100 нафар ходимини ишдан бўшатишини режалаштирмоқда
ASTANA. Kazinform — Starbucks бош директори Брайан Никол душанба куни компания 1100 нафар ходимини ишдан бўшатишини маълум қилди, деб хабар беради CNBC.
Ушбу ўзгаришлар компания кафелар тармоғидаги ходимларга таъсир қилмайди. Унинг сўзларига кўра, ушбу чора-тадбирлардан кўзланган асосий мақсад компания ишини енгиллаштириш ва сўнгги тўрт чоракда савдоси пасайиб бораётган бизнесни жонлантиришдан иборат.
2024 йил сентябрь ҳолатига кўра Starbucksда 361 минг нафар ходим ишлайди, улардан 16 минг нафари маъмурий ва ёрдамчи бўлимларда ишлайди.
Компания ҳисоботига кўра, охирги чоракда бутун дунё бўйлаб Starbucksнинг барча филиаллари савдоси 4 фоизга камайди, бу ҳам умумий фойдага салбий таъсир кўрсатди.
Эслатиб ўтамиз, аввалроқ Amazon ва Starbucks ходимлари АҚШнинг турли шаҳарларида касаба уюшмалари тан олиниши, иш ҳақини ошириш, нафақалар ва меҳнат шароитларини яхшилаш талаби билан иш ташлашга чиққан эди.
