Словакия бош вазири суиқасд уюштирган одамни кечиришини айтди

ASTANA. Kazinform – Словакия бош вазири Роберт Фицо оғир яраланган суиқасддан сўнг ўзининг биринчи видеомурожаати билан чиқди. У ҳужумчини ёмон кўрмаслигига ишонтирди, деб хабар беради Euronews.

Словакия Бош вазири Роберт Фицо видеомурожаатини интернетга жойлаштирди. Бу унинг уч ҳафта олдин суиқасд чоғида оғир яраланганидан кейин биринчи марта омма олдида чиқишидир.

Европарламент сайловлари олдидан ўзининг Facebook саҳифасида жойлаштирган видеода Фицо ҳужум унинг соғлиғига зарар етказганини ва агар у бир неча ҳафта ичида ишга қайтса, бу “кичик мўъжиза” бўлишини айтди.

Эслатиб ўтамиз, суиқасд 15 май куни Р.Фицога Словакиянинг Гандлов шаҳрида бўлиб ўтган ҳукумат йиғилишидан сўнг жамоатчилик қаршисига чиққанида амалга оширилган эди.

Суд бош вазир Роберт Фицога суиқасд уюштиришда гумон қилинган 71 ёшли нафақахўр, мухолифатдаги “Илғор Словакия” либерал партияси тарафдори Юрай Цинтулани ҳибсга олди.

Бош вазир июнь ва июль ойлари орасида ишга қайтиши керак ва у ҳужумчидан "нафратланмаслигини" айтди.

“Мен уни кечираман”, – деди Роберт Фицо.