Швеция бачадон бўйни саратонини бартараф этган илк давлатга айланиши мумкин

ASTANА. Кazinform — Швецияда ҳар йили 530 га яқин аёлга бачадон бўйни саратони ташхиси қўйилади. Ўртача ҳар уч кунда бир аёл ушбу касалликдан вафот этади, деб хабар беради АЗEРТАДЖ.

Швеция энди бу саратонни бартараф этган дунёдаги илк давлат бўлиш имкониятига эга.

Касалликнинг асосий сабаби — одам папиллома вируси (ОПВ). Бу ҳар йили 1100 га яқин саратон турларининг ривожланишига сабаб бўлади, улардан 500 дан ортиғи бачадон бўйни саратонидир.

Швецияда ушбу касалликнинг олдини олиш учун кенг кўламли эмлаш дастури бошланди.

2025 йилнинг 30 июнига қадар 1994-1999 йилларда туғилган аёллар ОПВга қарши эмлашни бепул олишлари мумкин. Ҳозирда талаб қилинган 70 фоизнинг атиги 59 фоизига эришилган. 30 июндан кейин вакцинанинг нархи тахминан 6000 швед кронасини (тахминан 550 АҚШ доллари) ташкил этади.

22 май куни бутун мамлакат бўйлаб бир қатор кинотеатрларда эмлаш ишлари бўлиб ўтади. Вакцина бепул, эмланганларга эса бепул кино чипталари тақдим этилади.

Ушбу ташаббус Швециянинг барча 21 ҳудуди, Саратонга қарши курашиш фонди (Cancerfonden), Capio тиббиёт тармоғи ва Filmstaden кино тармоғи томонидан қўллаб-қувватланади.

Баъзи ҳудудларда 2000-2001 йилларда туғилган аёллар ҳам бепул эмланишлари мумкин.

Эслатиб ўтамиз, аввалроқ Швецияда ишсизлик даражаси юқори эканлигини ёзган эдик.