Швецияда Jetline аттракциони рельсдан чиққиб кетди

STOKGOLM. Kazinform - Стокгольмдаги Gröna Lund кўнгилочар боғида Jetline аттракциони рельсдан чиқиб кетди. Бир киши ҳалок бўлди, тўққиз киши жароҳат олди, дея хабар беради Kazinform Euronews.comга таяниб.

Аттракцион рельсдан чиқиб кетган, одамлар ундан учиб чиқиб, ерга қулаган. 35 ёшли аёл вафот этди. Барча жабрланганлар шифохонага етказилган. Улардан уч нафарининг аҳволи оғир.

Парк номаълум муддатгача ёпилди. У ерга тез ёрдам, қутқарувчилар ва вертолёт етиб келган.

Gröna Lund сайти, фожиа содир бўлган Jetline аттракциони соатига 90 км тезликка эриша олишини таъкидлайди. Унинг баландлиги 30 метр. Ҳар йили унга бир миллион сайёҳ ташриф буюради.