Швеция Туркия учун конституциясини ўзгартирмоқда

ASTANA. Кazinform – Чоршанба куни Швеция парламенти терроризмга қарши қонунчиликни мустаҳкамловчи конституциявий ўзгаришларни маъқуллади. Янги нормалар «террорчилик фаолияти билан боғлиқ гуруҳларнинг йиғилиш эркинлигини чеклашга имкон беради», деб хабар беради Кazinform Euronewsга таяниб.

Швециянинг асосий қонунига киритилган бу ўзгаришлар Туркия учун киритилди.

Эслатиб ўтамиз, Туркия ҳалигача Скандинавия қироллигининг НАТОга киришига тўсқинлик қилмоқда. Энди Швецияда Анқара террорчи деб ҳисоблаган курд ташкилотларига алоқадор шахсларни жиноий жавобгарликка тортиш осонроқ бўлади. Ўтган ҳафта Туркияга ташрифи чоғида Швеция Бош вазири Ульф Кристерссон вазирлар кабинети терроризмга қарши курашни кучайтириш ниятида эканини таъкидлади. Швеция НАТОга аъзо бўлиш учун ариза берди, бироқ унинг номзоди Туркия томонидан блокланди.

Чоршанба куни тасдиқланган ўзгаришлар кейинги йилнинг 1 январидан кучга кириши керак.

ru.еuronewws.cоm видеосидан кадр