Шимолий Қозоғистон вилоятида 705 км йўл таъмирланади

ASTANА. Кazinform – Шимолий Қозоғистон вилоятида йил охиригача 700 кмдан ортиқ йўл таъмирланади. Бу ҳақда вилоят раҳбари Айдарбек Сапаров маълум қилди, дея хабар беради Kazinform мухбири.

«Вилоятдаги энг муҳим масалалардан бири бу йўллар ҳолатидир. Улар орасида Петропавл йўли бор. Таъкидлаш жоизки, вилоятимиздаги автомобил йўллари тармоғи 9 минг километрни ташкил этиб, узунлиги бўйича республикада иккинчи ўринда туради», — деди Айдарбек Сапаров Марказий коммуникациялар хизмати майдонида ўтказилган матбуот анжуманида.

Ҳокимнинг сўзларига кўра, йўлларни қуриш ва таъмирлаш бўйича қатор ишлар амалга оширилмоқда.

«Жорий йилда Петропавл шаҳридаги автомобил йўлларини ўртача ва жорий таъмирлаш учун аввалгидан 12 баробар кўп маблағ ажратилди. Камида 25 та кўчани таъмирлаймиз. Умуман, вилоятда йил охиригача 705 километр йўл таъмирланади. Шулар қаторида 47 та қишлоқда 110 км республика, 480 км маҳаллий аҳамиятга эга, 115 км қишлоқ ичидаги автомобиль йўлларини тартибга келтирамиз. Бунинг учун 40 миллиард тенге ажратилди», — деди вилоят раҳбари.

Муаллиф: Даулет Изтилеу