ШҲТ таълим вазирлари 7 та ҳамкорлик ҳужжатини имзолади

Жорий йилнинг 13 май куни Хитойда бўлиб ўтган Шанхай Ҳамкорлик Ташкилотига (ШҲТ) аъзо давлатлар таълим вазирларининг 9-йиғилишида рақамли ва чегарасиз таълим ҳамда сунъий интеллект (AI) бўйича еттита ҳамкорлик ҳужжати имзоланди. Бу ҳақда “IRNA” ахборот агентлиги маълум қилмоқда, деб ёзади ЎзА. 

Унга кўра, учрашувда вазирлар таълимни ривожлантириш ҳамда ШҲТга аъзо давлатлар ўртасида профессор-ўқитувчилар ва талабалар алмашинувини йўлга қўйиш бўйича стратегик ташаббуслар юзасидан фикр алмашган.

Шунингдек, маданий, ижтимоий ва иқтисодий алоқаларни инновацион усуллар орқали ривожлантириш масалалари муҳокама қилинган.