Шавкат Раҳмонов UFC рейтингининг кучли учлигига кирди

Мағлубиятга учрамаган қозоғистонлик жангчи Шавкат Раҳмонов ярим ўрта вазн тоифасида UFC рейтингида ўз ўрнини яхшилади, деб хабар беради Kazinform агентлиги Sports.kzга таяниб.

Двизионнинг янгиланган рўйхатида "Номад" учинчи ўринда. Эндиликда фақат Билол Муҳаммад (2), Камару Усмон (1) ва чемпион Леон Эдвардс олдинда. Колби Ковингтон бешинчи ўринга тушиб кетди.

Эслатиб ўтамиз, ўтган дам олиш кунлари Лас-Вегасдаги (АҚШ) T-Mobile Arenaда бўлиб ўтган UFC 296 турнирининг асосий кардида Шавкат Раҳмонов америкалик Стивен Томпсонни иккинчи раундда бўғиш усули билан “таслим қилган” эди. Кечанинг асосий баҳсида Леон Эдвардс якдил қарор билан Колби Ковингтонни мағлуб этди.