Шаҳарларда ариқ тизимини тиклаш зарур – Оролни қутқариш халқаро жамғармаси

NUR-SULTAN. Kazinform - Оролни қутқариш халқаро жамғармаси директори ўринбосари Марат Нарбаев шаҳарларда ариқ тизимини тиклашни таклиф қилди. Унингнинг сўзларига кўра, бу яшил ҳудудлар сонини кўпайтириш ва қишлоқ аҳоли пунктларининг микроиқлимини яхшилаш имконини яратади, деб хабар беради Kazinform мухбири.

– Ўтган йили Оролбўйи ҳудудини экологик инновациялар ва технологиялар зонаси деб эълон қилиш тўғрисидаги қарор қабул қилинган эди. Бинобарин, бу муаммо ҳозир бутун жаҳон ҳамжамиятининг кун тартибидан жой олган. Шунга қарамай, бизда бир қатор долзарб муаммолар – Сирдарё ва Амударёнинг ифлосланиши, ичимлик суви сифатининг пастлиги, ерларнинг таназзулга учраши ва чўлланиш ҳолатлари мавжуд. Буларнинг барчаси аҳоли саломатлигига таъсир қилади. Эмизикли она сутида зарарли моддалар, Оролбўйи аҳолисининг қонида эса ўғитда ишлатиладиган кимёвий моддалар топилади. Шу боис Марказий Осиё давлатлари ҳукуматлари томонидан муайян режали ишлар амалга оширилмоқда», деди «ЕCOJER» II халқаро экологик конгрессида маърузачи.

Оролни қутқариш халқаро жамғармаси директори ўринбосари Оролбўйининг Қозоғистон қисмига оид масалаларга батафсил тўхталиб ўтди. Маърузачининг сўзларига кўра, Оролбўйининг Қозоғистон қисмидаги ишлар замонавий талабларга жавоб берса, Орол-Сирдарё сув хўжалигига йилига 200 миллион куб метрга яқин сувни қайтариш мумкин бўлади.

«Шаҳарларимизда ариқлар тизимини тиклаш зарур. Бу ҳам яхши ишламайди. Бу ёз мавсумида ичимлик суви тизими юкини сезиларли даражада камайтиради, яшил ҳудудлар сонини кўпайтиради, шаҳарлар ва қишлоқлар экологияси ва микроиқлимини сезиларли даражада яхшилайди», - деб ҳисоблайди Марат Нарбаев.

Муаллиф: Арайлим Мурат