Санкт-Петербург 160 йил ичида илк бор сув тошқинига тайёрланмоқда

ASTANА. Кazinform - 4 июль куни Санкт-Петербургда ғарбий шамолнинг кучайиши муносабати билан сув тошқини кутилмоқда. Бу 160 йил ичида илк ёзги тошқин бўлади. Бу ҳақда шаҳар бош синоптиги Александр Колесов маълум қилди, деб хабар беради Kazinform мухбири.

— 4 июль куни биз шаҳар учун тарихий лаҳзани бошдан кечирамиз. Циклоннинг ўтиши муносабати билан ёзги давр учун одатий бўлмаган жуда кучли ғарбий шамол кучайиши кутилмоқда ва мен ҳозир кучли бўрон ҳақида гапирмайман. Циклоннинг бундай траекторияси туфайли Санкт-Петербургда сув тошқини бўлади, — деб ёзди у ўзининг Теlegram-каналида.

Шунингдек, у шаҳар тарихида бу даврда фақат бир марта, 1865 йил 12 июлда сув тошқини содир бўлганини таъкидлади. Шундан кейин 160 йил давомида шаҳар сув тошқинига мойил эмас эди. Энди эса узоқ вақтдан бери биринчи марта кучли сув тошқини эҳтимоли пайдо бўлди, — деди синоптик.

Эслатиб ўтамиз, аввалроқ Хитойнинг жануби-ғарбидаги сув тошқини оқибатида олти киши ҳалок бўлгани ҳақида хабар берган эдик.