Самарқандда ичида йўловчилар бўлган автобус ЙТҲга учради

ЙТҲ 2023 йил 22 ноябрь куни соат 11:50 ларда Оқдарё тумани ҳудудидан ўтувчи М-37 автомобиль йўлида содир бўлган, деб хабар берадиKazinform Самарқанд вилояти ИИБ Матбуот хизматига таяниб.

Йўловчи ташувчи автобус ҳайдовчиси бошқарувни йўқотиб, йўлнинг бетон тўсиғига урилиб кетиши натижасида йўл-транспорт ҳодисаси содир этган.

ЙТҲ натижасида, автобусда бўлган 1 нафар йўловчи вафот этган, 17 нафар фуқароларга биринчи тиббий ёрдам кўрсатилиб, уйларига жавоб берилган.

Маълум қилинишича, ҳодиса юзасидан суриштирув ҳаракатлари олиб борилмоқда.