Россиядаги турнирда Сакен Бибосинов чемпион бўлди

ASTANА. Кazinform — Россиянинг Хабаровск шаҳрида бокс бўйича Константин Коротков хотирасига бағишланган турнирда Сакен Бибосинов (54 кг) чемпион бўлди.

Қозоғистонлик боксчи финалда россиялик Денис Палшинга қарши рингга чиқди. Натижада у рақибини 5:0 ҳисобида мағлуб этиб, турнир чемпионига айланди.

Сакен Бибосинов 1992 йилда туғилган, 2021 йилда жаҳон чемпионатида олтин, 2019 йилда бронза медалини қўлга киритган. 2020 йилги Токио Олимпиадасида кучли учликдан жой олган.

Сакен жароҳати сабаб бир қанча вақт бокс билан шуғулланмаган эди. Шунга қарамай, турнир давомида у мухлисларни хурсанд қиладиган даражада жанг қилди.

Энди ҚР терма жамоасидан Сағиндиқ Тоғамбай (92 кг) Сергей Слободянга, Нурлан Сапарбай (92 кг дан юқори) россиялик Орудж Мамедовга қарши рингга чиқади.

Шунингдек, турнирда мамлакат аёллар терма жамоасидан Айдана Забинбекова (57 кг), Улдана Таубай (66 кг), Римма Волосенко (60 кг) кумуш медални қўлга киритди.