Россия ва АҚШ делегацияларининг Саудия Арабистонидаги учрашуви қачон бўлиб ўтиши маълум бўлди

ASTANA. Kazinform - Америка ва Россия ОАВлари сешанба куни Саудия Арабистонида Россия ва АҚШ делегацияларининг учрашуви бўлиб ўтишини хабар қилмоқда, дея хабар беради Kazinform BBCга таяниб.

госсекретарь Марко Рубио
Фото: Wikimedia

Хусусан, бу ҳақда Axios портали (иккита манбага таянган ҳолда) ва “Коммерсант” газетаси ёзмоқда.

Америка томонидан учрашувда Давлат котиби Марко Рубио, АҚШ миллий хавфсизлик бўйича маслаҳатчиси Майкл Уолтц ва Яқин Шарқ бўйича махсус элчи Стив Уиткофф иштирок этиши кутилмоқда.

Уиткофф аввалроқ Fox News телеканалига Уолтц билан Саудия Арабистонига якшанба куни кечқурун боришини айтган эди. Рубио у ерга душанба куни Исроилдан келади.

Россия делегациясига ким раҳбарлик қилиши расман эълон қилинмаган, бироқ ОАВ манбалари бу Россия ташқи ишлар вазири Сергей Лавров бўлиши мумкинлигини ёзмоқда.

Унда Россия президенти ёрдамчиси Юрий Ушаков ва Ташқи разведка хизмати директори Сергей Наришкин ҳам иштирок этиши мумкин.

Эслатиб ўтамиз, Трампнинг Россия президенти Владимир Путин билан илк учрашуви Саудия Арабистонида бўлиб ўтиши ҳақида ёзган эдик.

Сўнгги хабарлар