Россия, Туркия, Ўзбекистон: Қозоғистондан қайси давлатларга кўпроқ пул ўтказилади

ASTANA.Kazinform – Қозоғистондаги жисмоний шахсларнинг ҳисоб рақамларига энг кўп пул қайси давлатлардан ўтказилади? Миллий банк 2025 йилнинг биринчи чораги учун маълумотларни эълон қилди.

Умуман олганда, дастлабки уч ойда жисмоний шахслар Қозоғистонга 59,26 миллион доллар пулни қайтариб олинмаган ҳолда ўтказган. Шундан 7,95 миллион доллари МДҲ давлатларидан, 43,31 миллион доллари эса бошқа давлатлардан. Айрим мамлакатларга келсак, энг катта пул ўтказмалари АҚШ (16,6 миллион доллар), Германия (7,95 миллион доллар), Жанубий Корея (5,11 миллион доллар) ва Россияга (4,77 миллион доллар) тўғри келди.

Қозоғистондаги жисмоний шахслардан эса 157,46 миллион доллар қайтариб олинмаган ҳолда ўтказилган. Фарқи деярли 3 баробар.

Шундан МДҲ давлатларига 939,6 миллион доллари, 63,5 миллион доллари эса бошқа давлатларга жўнатилган.

Айрим давлатларга келсак, Қозоғистондаги жисмоний шахслардан энг кўп пул оладиган давлат Россия Федерацияси (59,24 миллион доллар) ҳисобланади. Россиядан Қозоғистонга жисмоний шахсларнинг ўтказган пуллари билан Қозоғистондан Россияга жисмоний шахсларнинг ўтказган пуллари ўртасидаги фарқ 12 баробар. Иккинчи ўринда - Туркия. Бу давлатга Қозоғистондаги жисмоний шахслардан қайтариб олинмайдиган 27,72 миллион доллар ўтказилган. Ўзбекистон учинчи ўринда – 19,23 миллион доллар. Шунингдек, Грузияга 10,99 миллион доллар ўтказилган.