Россия-Қозоғистон қўшма фильми Шанхай кинофестивалида мукофотга сазовор бўлди

ASTANA. Kazinform - Россия ва Қозоғистон ҳамкорликда ишлаб чиқарилган "Ўғил" анимацияси 27-Шанхай халқаро кинофестивалида “Энг яхши қисқа метражли анимацион фильм” мукофотини қўлга киритди, деб хабар беради Хитойнинг «Халық газеті».

Фильм сюжети - ногиронлар аравачасига ўтирган ўғлини ёлғиз тарбиялаётган ота ҳақида. Фильм Россия ва Қозоғистон ҳамкорлиги доирасида ишланган.

Шунингдек, бу йилги “Олтин кубок” мукофотларида Қирғизистоннинг “Қора. Қизил. Сариқ” фильми “Энг яхши фильм” мукофотини қўлга киритган бўлса, “Қумдаги ёз” ва

Хитойнинг “Узун тун тугайди” фильмлари ҳакамлар ҳайъатининг “Олтин кубок” мукофотлари бош мукофотига сазовор бўлди.

Эслатиб ўтамиз, жаҳон кинематографиясининг 130 йиллиги ва Хитой киносининг 120 йиллиги муносабати билан Хитой киносининг ватани – Шанхай Хуанпу дарёси бўйида дунёнинг турли бурчакларидан келган 100 дан ортиқ режиссёрларни кутиб олди.

Шанхай ва унинг атрофидаги 50 га яқин кинотеатрларда 71 та мамлакатдан 400 га яқин фильмлар намойиш этилди. Фильмлар “Олтин кубок” учун беш номинация бўйича кураш олиб борди: “Асосий танлов”, “Осиёлик янги келганлар”, “Ҳужжатли фильм”, “Анимация” ва “Қисқа метражли фильм”.