Ризабек Айтмуқан машҳур курашчи Кайл Снайдер билан беллашади

ASTANА. Кazinform — Бугун Алматида дунёнинг энг номдор полвонларини бирлаштирган PWL турнири бўлиб ўтади. Унда Ризабек Айтмуқан ва машҳур америкалик курашчи, Олимпиада чемпиони Кайл Снайдер беллашуви бўлиб ўтади.

Бу жанг мухлислар учун жуда қизиқарли бўлиши аниқ. Чунки Ризабек ёш бўлишига қарамай, жаҳон саҳналарида ўзини кўрсатиб улгурган.

У 2023 йилда Белградда бўлиб ўтган жаҳон чемпионатида олтин медални қўлга киритиб, қозоқ кураши тарихига ўз номини зарҳал ҳарфлар билан ёзиб қўйди. Ўзининг жисмоний кучи ва техник маҳорати эвазига Айтмуқан бўлажак жангда муносиб рақиб бўлиши шубҳасиз.

Спорт мухлислари интиқлик билан кутаётган баҳслар Алматидаги Балуан Шолақ номидаги спорт саройида Астана вақти билан соат 19:00да бошланади.

PWL турнирида жами 24 нафар курашчи иштирок этади. Иштирокчилар орасида тўртта Олимпия чемпиони, жаҳон чемпиони ва совриндорлари бор.Қозоғистон шарафини 3 нафар курашчи ҳимоя қилади.

Улар:

Ризабек Айтмуқан — Кайл Снайдер (АҚШ)

Азамат Даулетбеков — Магомедҳабиб Кадимагомедов (Беларусь)

Жамила Бақбергенова — Айпери Медетовқизи (Қирғизистон)

Эслатиб ўтамиз, Кайл Снайдер ва Айк Мнацаканян иккита беллашув ўтказади. Қолган полвонлар бир марта беллашади.

Турнир давомида 11 та беллашув бўлиб ўтади. Кураш қоидаларига кўра, ҳар бир жуфтлик 6 дақиқадан кураш олиб боради.

Эслатиб ўтамиз, аввалроқ Ризабек Айтмуқан уч карра жаҳон чемпиони бўлгани ҳақида ёзган эдик.