Рибакинанинг Мадрид турниридаги илк рақиби аниқланди

ASTANA. Kazinform – Испаниянинг Мадрид шаҳрида ўтказилаётган WTA Mutua Madrid Open турниридаги қозоғистонлик Елена Рибакинанинг илк рақиби маълум бўлди.

Рибакина турнирнинг иккинчи даврасида италиялик Люсия Бронзетти билан куч синашади.

Бронзетти биринчи даврада франциялик Варвара Грачевани 6:3, 6:3 ҳисобида мағлуб этди. Учрашув бир соату ўн дақиқа давом этди.

Эслатиб ўтамиз, яқинда Штутгартда (Германия) бўлиб ўтган WТА 500 турнирида Қозоғистоннинг биринчи ва жаҳоннинг 4-ракеткаси Елена Рибакина чемпион бўлди.