Рақобатбардош тадбиркорларни қўллаб-қувватлаш кучайтирилади

NUR-SULTAN. Kazinform – 2030 йилгача кичик ва ўрта бизнесни ривожлантириш стратегияси доирасида ялпи ички маҳсулотдаги саноат улушини 40 фоизга етказиш режалаштирилган, дея хабар бермоқда Kazinform мухбири.

Бу ҳақда Ҳукумат йиғилишида Миллий иқтисодиёт вазирининг биринчи ўринбосари Тимур Жақсилиқов маълум қилди.

«Қўйилган мақсад ва вазифаларга эришиш учун концепцияда қуйидагилар назарда тутилган:

- бозорнинг айрим иштирокчиларига адолатсиз устунлик берадиган барча қонунчилик ва меъёрий-ҳуқуқий ҳужжатларни бекор қилиш;

- КЎБ субъектлари учун тартибга солувчи тўсиқларни қисқартириш;

- чекланган бюджет ресурсларидан фойдаланиш самарадорлигини ошириш мақсадида шахсий ресурсларга нисбатан жамоавий имтиёзларга устунлик бериш;

- янги ташкил этилаётган корхоналар ва фаолият юритаётган тадбиркорлик субъектлари учун ортиқча сифатли саноат, инновацион ва ижодий инфратузилмани яратишни рағбатлантириш;

- бизнес ҳисоботини автоматлаштириш ва рақамлаштириш;

- рухсатномалар сонини қисқартириш», — деди вазирнинг биринчи ўринбосари.

Унга кўра, самарали ва рақобатбардош тадбиркорларни қўллаб-қувватлашни қайта йўналтириш орқали комплекс қўллаб-қувватлаш чора-тадбирлари тизимини қайта кўриб чиқиш таклиф этилмоқда.

2030 йилгача бўлган концепция қоидаларини амалга ошириш:

ЯИМдаги кичик ва ўрта корхоналар улушини - 40% гача;

ЯИМдаги ўрта бизнеснинг улушини - 20% гача;

Бу кичик ва ўрта бизнесда банд бўлганлар сонини 5 миллион кишига етказади.

«Концепциянинг қабул қилиниши кичик бизнесни ўрта ва ўрта бизнесга айлантиришга ёрдам беради ва бу ўз навбатида бутун иқтисодиётга ижобий мултипликатив таъсир кўрсатади», — деди Тимур Жақсилиқов.

Муаллиф: Есимжан Нақтибай