Qazagstan Barysy Grand Slam турнирида Қозоғистон иккита бронза медалини қўлга киритди

ASTANA. Kazinform – Данияр Шамшаев ва Асқар Нарқулов Астана шаҳрида бўлиб ўтаётган Qazagstan Barysy Grand Slam турнирининг бронза медали совриндорлари бўлди, деб хабар беради Kazinform мухбири.

Д. Шамшаев 73 килограмм вазн тоифасида ҳамюрти Жансай Смағулов билан татамига чиқди.

Яна бир қозоғистонлик 23 ёшли Асқар Нарқулов ўзидан икки ёш кичик грузиялик Джорджи Терашвили билан бир хил вазнда бронза медали учун кураш олиб борди. Ушбу жангда хатога йўл қўйган грузиялик спортчи мусобақадан четлаштирилди ва ғалаба А. Нарқуловга берилди.

Шу тариқа, Д.Шамшаев ва А.Нарқулов илк бор Grand Slam совринини қўлга киритди.

Шу тариқа, икки кунлик натижаларга кўра, Қозоғистон ҳисобида 1 та олтин, 1 та кумуш ва 2 та бронза бор.

Эслатиб ўтамиз, аввалроқ Мағжан Шамшадин Qazagstan Barysy Grand Slam турнирида чемпион бўлгани ҳақида ҳабар берган эдик.

Ғусман Қирғизбаев эса Qazagstan Barysy Grand Slam турнирининг кумуш медали соҳибига айланди.

Муаллиф: Ғайсағали Сейтақ