Путин Трампни АҚШ президенти этиб сайлангани билан табриклади

ASTANA. Kazinform – Россия президенти Владимир Путин Дональд Трампни АҚШ президенти этиб сайлангани билан табриклади, деб хабар беради ТАСС.

“Фурсатдан фойдаланиб, уни Америка Қўшма Штатлари Президенти этиб сайлангани билан табриклайман. Мен Америка халқи ишонадиган ҳар қандай давлат раҳбари билан ҳамкорлик қилишимизни аллақачон айтгандим”, – деди Путин “Валдай” клубининг ялпи мажлисида.

Аввалроқ Россия етакчисининг матбуот котиби Дмитрий Песков Россия президенти Владимир Путин Дональд Трампни АҚШдаги президентлик сайловидаги ғалабаси билан табриклашни режалаштирмаётганини маълум қилганди.

Эслатиб ўтамиз, давлат ва ташкилотлар раҳбарлари Дональд Трампни АҚШ президентлик сайловидаги ғалабаси билан табриклай бошлади. У Қўшма Штатларнинг 47-президенти бўлди.